13 october pha salo new Delhi o songsajak nai kai chuku G-20 Parliamentary Speaker’s Summit P-20 no songsai rwna ni nai tong kha hakotor ni montri bokhorok Narendra modi,G-20 hakotor no karwi bo teibo kai chuku hakotor tei international motha phai nai hwnui sakha pha sal ni panda o.abo ni sal sa ni swkang Delhi ni yashobhumi ni Parliamentary Forum on Life ni achuglai mwng o haste sabha ni ojama ungwi sangrong salo phawi manjak phai mani nukjak kha Tripura ni kwcham montri okra eba haste sabha ni dagiphang Biplab kumar deb no.Tripura ni dagiphang abo hai achuglai mwng o thang mani,haste ni bagwi belai khe no kaham koktwma.P-20 ni panda o bono chonghor mani bagwi hakotor ni yakchu hani kasku Jagdeep Dhankar no ah salo hambai yaphar kha Biplab kumar deb,social media o bo saklai kha, abo hai sep nahar ma bai montri bokhorok Narendra modi ni naikol mwng o Bharat ni naikol mwng hayung gwnagui no kaham sep hwnui sanai. haste sabha o Biplab kumar deb saklai kha, lai thanai 2021 bisi o climate no twi hayung gwnagui no thansa khwlai nani mission Life – Lifestyle for Environment Campaign ni kok saklai mani bharat ni montri bokhorok Narendra modi.haste sabha o kaisa Private Member’s Bill no twi bo kok sakha haste ni kwcham montri okra Biplab kumar deb.hakotor ni rwng nok rogo mission life swrung nani bagwi no ah bill ni naharmwng.joto loku rok no thansa ungwi kaham habar ni bagwi samwng khwlai na abgwi kobok mwng khwlai kha haste sabha ni dagiphang Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
