Hai no hai kaisa nukhung ni hamjwk rail bai pherjagwi tokra tokra wngwi kwlaikha. Teliamura Tusharbari rail station ni bridge ganao o patimung patikha hinwi saimankha. Koktwmao saimankha diporni 3.15 pm o Dharmanagar ni simi Agartala o thangwi tongmani kaisa train. Ah train bai pherjagwi no thwikha kaisa nukhungni hamjwk. Patimungni koktwma manwi amchaini lukorog Teliamura thanao koktwma horkha, koktwma manmani logi logi no patimung thaio phaiwi sokphaikha Teliamura ni SDPO Prasun Kanti Tripura no khobui Teliamura ni G.R.P police rogbo sokphaikha. Patimung thaio lukorog no kok sungmani yagulo oh hamjwk no kebo fano siniya hinwi sakha borok. Aboni yagulo oh bwrwi ni mangkwthwi no post-mortem khwlaina bagwi Teliamura sakham nogo twlangkha police. Phiyabha tabok kaisa no sungmung je, oh bwrwi tamo bwda bwtharjakha na, sak baithangda train tolao bhakhalaiwi thwikha abono twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
