Chandrayan 3 ni kosol mandap swnamwi tongo dhaleshwar ni prantik club. Phaiwi tongnai osa mwtaino rwksaino ah mandap swnamjakkha hinwi koktwmao saimankha. Khursathai kwlaio laiwi thangnai tal ni 23 august salmario tal oh thangna bagwi space centre ni simi nokhor mani chandrayan 3 . aboni yagulo sal brwichi space tongwi tal oh sogwi kha chandrayan 3. Bharat hakotorni omo hai hamsamungno nogwi khaphurlaijak hakotorni joto lukurog. Chandrayan 3 no borom rina bagwino oh bisio hinkhe chandrayan theme oh mandap swnamna bagwi kokchap nahar kha club ni tangphang rog. mandap ni bisingo tongnai chandrayan 3 ni control room. Bebagwi 4 ni simi 5 lakh rang mandap swnamna bagwi nangnai hinwi koktwmao saimankha. Bii brum no osa mwtaini jorao hinkhe kwtal kwtal theme bai khwlaiwi mandap swnamjakgo agulini prantik club ni bwkhaktwi. Oh bisio ah kokno wansogwino chandrayan theme no naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
