Tripura haste ni phereng bedekno teibu hamkrai khwlaina bagwi sak tharwi samung khwlaiwi tongo haste ni phereng bedek. Chasalo aboni wngwi no Khowai Officetila amchaio haste ni phereng bedekni montri Ratan Lal Nath ni yak ramwi 33 KB mega watt power ni substation no phiyogwi rijakha. Bebagwi 8 crore 24 lakh rang swbaiwi swnamjakha 33 KB mega watt power ni substation. Oh kwtal power substation Khowai city ni 15 thousand borok rok no pherengni sep rinai. Khowai city ni Hospital road, College road, office complex, Jambura, Bar bill no khobui Khowai ni kwbangma thaio hapung sapung pherengni sep sap rijaknai. Chasalo o power substation phiyogmani panda o manjakha haste ni phereng bedekni montri Ratan Lal Nath, Kalyanpurni MLA Pinaki Das Chowdhury, Zelaporisad ni president Joydeep Debbarma, phereng bedekni general manager Ranjan Debbarma no khobui kubuni adongrok. Asalni panda o haste haphang ni kwbangma hamkrai ni samung bwtangno twiwi kok sakha phereng montri Ratan Lal Nath. Haste ni phereng bedekno teibu hamkrai khwlaina bagwi haste haphang tamo tamo yapri naharwi tong, aborok no twiwi asalo kok sakha montri. Bo teibu sakha, swkangni jorao Khowai Dholabil amchaio sudu kaisa fidar bai Khowai city o phereng ni sep rijagwi tongmani, phiyabha tabokni jorao tei kaisa 33 KB mega watt power ni substation wngmani bagwi belai no hamari manai Khowai city ni lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
