Thanai 22 september salmario paithak ni bagwi langma ari kha Prajapitha Brahmakumari Ishwariya vishwa vidyalaya ni Tripura tei bangladesh tang bedek ni incharge eba brahmakumari ni Kabita behenji.2 october eba tang salo Araliya gana prajapita brahmakumari ashram o bono mwitu khwlawi panda songsa jak kha.bisi nwi chi char ni swkang 1995 bisi o aguli o phai mani Kabita behenji.abo ni ulni simi no langma ni paithak jora Tripura ni loku rok no sep rwoi thang kha,thanai 22 september umar ba chi ba bisi o paithak ni langma chokha bini.tang salo bono mwitu khwlai na bagwi hachal ni simi borok phai mani nukjak kha kwbang no.Tripura hapang ni ungwi phawi manjak phai kha haste ni Industry and Commerce Department montri Santana chakma tei bharatiya janata party ni bwkhak twi thang kha pradesh BJP ni achugphang Rajib bhattacharjee bo.haste ni loku rok ni bagwi tei bhaste ni bwrui rok ni bagwi samwng khwlawi thang kha Kabita behenji.bini mwitu khwlai mani panda o abo hai khe no kok samani nukjak kha montri Santana chakma no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
