Kamakhya-Lokmanya Tilak Express ni sep no twi agartala jora kwbang khwlai na bagwi kwduk ma sal ni simi no sanlai mwng tong mani Tripura haste ni.abo ni logi udaipur,dharmanagar tei kumarghat ni rail station rok no kaham khe sep rwna ni,agartala-puri train ni sep tei agartala-jammu train ni sep chengwi rwna ni bo sanlai mwng tong mani,haste ni loku rok agi ni simi no sai mano je lai thanai 6 august dharmanagar,kumarghat tei udaipur o rail station no kaham sep rwna ni bagwi amrit bharat station ni samwng bwtang o 96.60 crore rang rwoi samwng bwtang chengwi rwmani montri bokhorok Narendra modi.tabuk ah samwng bwtang ni samgh rok ungwi tong kha.abo ni bising otei kaisa gosi mwng rwkha kendriya hapang ni bwkhak twi,ah gosimwng bai kaisa kaham koktwma sai man nai haste ni loku rok.tabuk ni haste hapang ni sep bai Kamakhya-Lokmanya Tilak Express hati rogo train choli nai agartala jora abo hai khe no gosi mwng nahar kha bharat hapang ni rail mantrak ni bwkhak twi.phai tong nai sangrong sal ni simi rail ni sep songsai rwjak nai.sangrong sal ni phung ni dam char o agartala rail station ni simi ah tarin mumbai ni phasing thang nai tei cha sal ni sarig ni dam bwrui tamwi sati chi ba o train mumbai o thangwi sogwi nai.teisa hai no hai kokti salo mumbai ni simi phung ni dam sini tamwi sati ba chi o agartala ni bagwi lam rwnai tei kwrak salo sanja jora ni dam sini tamwi sati ba chi o phawi sokphai kha agaratala o.abo no twi no cha salo kaisa kokthum panda khwlawi thanglaisu tang bedek ni montri Sushanta chowdhury saklai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
