Agi ni saklai jak ma kahai tini ni salo eba cha salo Tripura ni ADC amchai o dam chi nwi ni bagwi bandh ringkha Tripra motha bodol ni logi dal bidal bodol rok bo.haste ni ADC amchai o phung ni dam dok ni simi sarig ni dam dok jora bandh ung nai hwnui,Haste ni Tiprasa loku rok ni manthai supungwi rwna ni bagwi kendriya hapang eba Bharat hakotor ni montri bokhorok Narendra modi ni phasing naharwi bandh ring kha Tipra motha ni sipai rok.joto Tiprasa loku rok no phung ni simi kwthumlai mani nukjak kha mungiakami rail lama bwskang o.tire rok sokmani bo nukjak kha aro phawi kwthumlai nai rok no.kaisa no manthai Grater Tipara land tei Constitutional solution,tei aro tipra motha bodol ni khorok sa sipai saklai kha tini ni bandh no kitingwi chung message horo montri bokhorok no chini manthai chung no kiphilwi rwdi hwnui.Tipra motha bodol ni bandh kaham khe no palai mani nukjak kha teliamura bwkhaste ghwnagui no.cha sal ni phung ni simi no hatai kotor ni chandra sadhukami amchai tei Mungiakami amchai o lahar mwthaglai kha Tipra motha ni sipai rok.mwthag jak assam-agartala lahar kotor.abo ni logi mungiakami amchai ni rail station bwskang o bo picketing khwlai mani nukjak kha tipra motha modol ni sipai rok no.hatai kotor ni chandra sadhu kami amchai ni naikol mwng o thang kha mandai bidhansabha kendra ni MLA jwk Sawpna debbarma,TTAADC ni chairman Jagadish debbarma ni logi kwchug thai ni samwng khwlai nai tei naikol nai rok.btei khak sa phasing khe mungiakami amchai o thangwi tipra motha sipai rok no logi rwkga EM.Kamal kalai.Tipra motha bodol ni naikol nai Monihar debbarma akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
