2018 bisi ni 23 september ni salmario kendra haphang hakotor rwgwi Ayushman Bharat Pradhanmontri Jana Aroggo Yojana no chengsawi rikha. Hakotor ni joto kwrwi lukorogni hamkrai ni bagwi no oh projects no phiyogwi rikha bo. Oh projects bai khobjak nukhungni borok rok no sak naijaknani bagwi 5 lakh jora caseless ni bising chubachu khwlaijaknai. Aboni logi hakotor ni sakham bedekno digital khwlaina bagwi eba digital system no teibu kwrak khwlaina bagwi no national sakham bedekni tangphang ni luajimung bai 2021 bisi ni 27 september o Ayushman Bharat no digital mission khwlaiwi rijakha. Ayushman Bharat Pradhanmontri Jana Aroggo Yojana ni bisi pungsama sal tei Ayushman Bharat Digital mission ni bisi nwi pungsama salno kitingwi chasalo Pragga Bavan o kaisa panda songchajakha. O panda o manjakha haste ni montri okra Dr.Manik Saha, sakham tei nukhung hamkrai bedekni secretary Dr.Debasish Bose, sakham bedekni tangphang Dr. Supriya Mallik, Sakham mission ni tangphang D.K Chakma no khobui kubuni adongrok. Asalni panda o kok narukna thangwi montri okra sakha, montri bokhorok belai no kwrwi nukhungo achaikha, bini bwpha khorok sa cha-phalnai tongmani, bini bwma no belai kwrak samung khwlaimani nukkha bo. Aboni bagwi no kwrwi lukorog ni kosta no sai mano bo. Montri bokhorok wngmani yagulo kwrwi lukorog ni bagwi Abasg Yojana, Jaal Jobon Mission, Ujjal Gas Yojana, Ayushman Bharat hai kwbangma projects no phiyogwi rikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
