phekjaknai manwino twiwi romjak kha congress ni MLA khoroksa. Sangrong salo Punjab police congress ni MLA Sukhpal singh no rom kha. phekjaknai manwini mamlano kitingwino MLA no romjak kha hinwi. chandigarh sector 5 oh MLA ni khongsa nogo naitukmung khwlaiwio police bodol. Koktwmao saimankha , MLA no kebengwi agini simino narcotics and psychotropic substance mamla khwlaijak kha hinwi. ah mamlano twiwino sangrong salo MLA ni nogo Sukhpal singh ni nogo naitukmung khwlaina chengo police bodol rog. naitukmung khwlaima yagulono bono romjak kha. naitukmung khwlaiwi tongma jorao MLA sukhpal Singh facebook oh live video bo khwlai kha. ah video oh nukjak kha MLA police rogbai kok banglaiwi tongo hinwi. video oh nukgwi mankha MLA sukhpal police rogni thani search warrant tei arrest warrant san mani. Ah video tei nukgwi mankha MLA no SDPO sakha , kwcham NDPS ni mamla o bono tabok romjaknai hinwi. phiya MLA sakha , ah mamla supreme court agini norwi rikha. tabok ah mamlao bahai khe arrest khwlaiman hinwi kok tisakha MLA Sukhpal singh . thwngrwngni habaro tei lukurogni mokolo congress bodolno hamya khwlaina bagwi omo hai khe areng kok bai mamla khwlaijak kha hinwi sakha congress MLA Sukhpal singh.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
