Sangrong salo swmai tangkha salthang Tripura zela porisad ni kwtal members chongjaknai rok. Aboni yagulo salthang Tripura zela porisad ni vice president tei president no chonglaikha. Salthang Tripura zela porisad ni president wngwi swmai tangkha Bolai Goswami, vice-president Biswajit Shil. Agartala ni townhall oh asalni swmai tangmung panda songchajakha. Asalni panda oh manjakha haste ni montri okra Dr.Manik Saha, haste ni tourism tangbedekni montri Sushanta Chowdhury, Agartala municipal corporation ni mayor eba MLA Dipak Majumder, MLA Mina Rani Sarkar, MLA Kishore Barman no khobui kubuni adongrok. Asalni panda oh manjakha kami hamkrai tei panchayat tangbedekni secretary Sandep Rathore, panchayat tangbedekni director Prasun Sen, salthang hangkhor naikolnai Dr.Vishal Kumar no khobui kubuni adongrok. Asalni panda oh kok narukna thangwi montri okra sakha, montri bokhorok ni twidulmung bai kendra haphang tei haste haphang swrai swrai khe hamkrai ni samung khwlaiwi tongo. Aboni yagulo bo teibu sakha, haste ni gram panchayat ni member tongo 6 thousand 370, Zela porisad ni members tongo 116, panchayat samiti ni member tongo 423. Ah borok rokni kwbangma emang tongo. ah borok rokni emangno mwkthang khwlainani bagwi no samung khwlaiwi tongo haste haphang tei kendra haphang. Asalo swmai tangkha salthang Tripura zela porisad ni kwtal president Bolai Goswami tei vice-president Biswajit Shil tei kami hamkrai tei panchayat tangbedekni secretary Sandep Rathore.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
