Flood ungwi deramwng o kwlai jak loku rok no joto phasing twi no sep rwmani nuk jak kha haste hapang no. abo hai jora rogo haste hapang ni bwkhak twi kaham samwng khwlai mani ah kok rok saiya karwi naikol nai bodol ni phasing hamya kok sawi tongkha kebeng nai bodol.kwrak sal ni sanja jora kokthum panda khwlawi abo hai khe no samani nuk jak kha kwcham kishan morcha ni achugphang Jahar saha no. bo saklai kha, flood ungwi haste gwnagui no dal bidal thai ni loku rok deramwng o kwlai kha,haste hapang joto loku rok ni logi no bachakha, phiya ba khak sa thai ni loku rok haste hapang ni phasing hamya kok sawi awai khwlai tongkha, mwng saiya karwi congress ni MLA Sudip roy barman ni phasing naharwi khuk kengkha, bo saklai kha, khorok sa politics khwlainai borok sakha montri okra 564 crore rang ni package gosimwng rwmani aro montri sabha ni ojama song bai mwng sabo kok saliya. phiya ba montri okra je tang bedek rogo joto ni swlai deramwng o kwlai kha ah tang bedek ni montri bai kok sawi no package ni gosi mwng rwkha. bo teibo saklai kha, haste ni montri okra haste ni ration ni simi 10 kg khwlawi magnang no tal nwi romwi mairum rwna ni bagwi chamwng tang bedek no gosimwng rwkha. hukbar tang bedek ni logi,malmata tei ahh tang bedek o 35 crore rang rwkha. kwcham kishan morcha ni achugphang Jahar saha teibo sakha, flood ni jora o haste hapang joto loku rok nono chubakha, kebeng nai bodol rok montri okra Dr.Manik saha ni phasing hamyakok awai khwlai ttongkha, haste ni loku rok kaham khe no sai mano BJP hapang loku rok ni bagwi bwsuk jora twi samwng khwlai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
