Haste ni saknaikol mwng ni sep rok no logi twino samwng khwlai tongkha haste hapang,mwng sasuk saknaikol mwng ni bagwi saknaikol mwng ni bagwi haste ni loku rok no phatar haste o thana ni nangya ni kahai, ah naikol mwng no bwskang o tonwi samwng khwlai tongkha haste hapang.tabuk saknaikol mwng ni phasing teibo kwchug ka kha haste ni mwng. haste ni montri okra Dr.Manik saha ni yak romwi no agartala sarkari dental college tei IGM sakham nogo 3D printing center songsai rwjak kha kwrak salo. ah salni songsa jak mani panda o phawi manjak phai kha, Bharat hapang ni science tei technology department ni director Tanung Jamoh,Tripura hapang ni sakham tang bedek ni okra naikolna Dr.Sanjib debbarma tei health tei family welfare tang bedek ni sachib Kiran gitye akosong.north-east bharat ni haste rok ni bising o naikol mwng no kwchug o karwna ni bagwi PM-Divine Scheme ni bagwi khulugwi rwjak kha 3D printing center. joto no AI ni sep bai chalu ung nai ah center.ah panda o phawi kok narugna phuru montri okra saklai kha, ah 3D printing center o joto ni swlai kaham sep man nai bemar ung nai loku rok.je samwng ni bagwi bemar ung nai loku rok no waire wai jora romwi phai nani nang o ah samwng wai nwi phai khe no samwng ungwi thang nai. ah salo no kokthum thumnai ni bwskang o dental sakham nok ni sep rno twi khuk kengkha montri okra.Abo ni logi lai thanai sal nwi ni swkang hor ni andra gundra o kokthum thumnai rok choprob jak mani pati mwng no twi bo kok samani nuk jak kha montri okra Dr.Manik saha no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
