Rajakhor aguli bai khobjak gorkha bosti CBI office ni logi je lama thang mani abo VIP road ni simi kisa kwchug ungwi thang phai kha salthang ni phasing.ah amchai o kai char chi eba kai chuku chi nwkhung tongwi tong o, watui ni jora o thang phai khwlai nani kaisa no lama abo. abo ni logi lama ni khak sa phasing wall kwrui ni bagwi watui ni jora o twilomwi amchai ni tong nai nok rogo habphai o, lai thanai bisi bwrui chi romwi amchai ni loku rok lamano thik khwlaina bagwi sanmwng khwlai phai tong kha, phiya ba samwng mwng sa bo ungliya. sathai kwlai o ah lama berai naina bagwi montri okra Dr.Manik saha phai mani,ah phuru amchai ni loku rok lama no twi sawi khuna rwkha montri okra no borok sanmwng khwlai kha dati khe lama no thik khlai rwna ni bagwi. montri okra ah salo kok rwkha, dati khe no ah lama ni samwng chengsai rwjak nai,abo hai khe no kokrwoi kok narugkha montri okra. chengwi rwjak kha lama ni samwng, abo ni bagwi tongthoklai jak amchai ni loku rok. amchai ni loku rok montri okra Dr.Manik saha no kha khama yaphar kha. ah salo amchai ni khorok sa bwrui saklai kha, borok ni kwdukma sal romwi no sanmwng tong mani lama no twi,abo ni bagwi amchai ni naikolnai rok no sawi phano mwng sa bo samwng ungliya,paithago samwng chengsai rwjak kha montri okra ni kok rwmani kahai, watui ni bagwi tabuk samwng mwthang jak,dati khe no ah samwng pairwna ni bagwi sanmwng khwlai kha. ah salo amchai ni loku rok ni bwkhak twi saklai kha,PWD ni engineer Sankar debnath ni naikol mwng o samwng khwlai jak tong kha, samwng no kaham khe no naikol tongkha amchai ni club ni ojama song. abo ni logi amchai ni tong nai rok bo tong o naikol mwng o sai mankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
