Sanatan dharma no twi kebo mwng sa bo kok sakhe abo no twi kok phirognai,abo hai kok sawi pha salni phung o congress MLA Sudip roy barman tei Jitendra chowdhury ni nok bwskang o kosom flag yago twi jwthumlaimwng khwlai mani nuk jak kha sanatan dhanra ni bhokto rokno.tei khak sa phasing khe ah kwthumlai mwng khwlai mano twi nok ni simi ongkhorwi manliya Sudip roy baraman, pha salo tong mani adibeshan ni saltham ni sal eba paithak ni sal.kwthumlai mwng khwlainai rok ni kok silsamwng, MLA Sudip roy barman tei kebeng nai bodol ni adong Jitendra chowdhury bidhan sabha o sanatan dharma no twi kok sakha abo chaliya.tei abo ni bagwi tini ni kwthumlai mwng. borok ni kok silsamwng, bharat ni sanatan dharma no twi kebo koksakhe abo chung gosiwi nawi mangalak, sanatan dharma abo kaisa abo hai dharma chung joto thai ni loku rok thansa khe tong nani bagwi nai o. oh dharma ni mwngui mwng sa bo kok sakhe abo chung gosiwi nawi mangalak. tei khak sa phasing khe bidhan sabha o thang nani swkang kebeng mwng o kwlai kha congress ni MLA Sudip roy barman, kokthum thumnai ni bwskang o Sudip roy barman saklai kha, agi ni simi no kok sawi abo hai khe kebeng mwng khwlai nai hwnui phaikha borok. ani yago tei kisa jora tong o jora bai baksha khe bidhan sabha o thangwi sogwi da mano abo sai manya ungwi tong kha, brok hindu dharma no teibo deramwng rogo khiklai nani nai tong kha, borok ni yagi tabuk mwng sa bo samwng kwrui tei borok abo hai samwng khwlai tong kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
