Haste oh sal kisa swkang watwi phaiwi haste rwgwi no twi lomsakha. Ah twi lomsamani jora oh lukorog no banchirina thangwi thwikha Agartala Indranagar amchaini sikla Chiranjit Dey. Chasalo thwinai Chiranjit ni nogo thangwi bini buma bupha sngni yagu 50 thousand rangni chubachu khwlaikha Bubagra Pradyot Kishore Debbarma. Khursathai kwlai oh thanai 22 august ni salmari oh haste ni logi aguli ni Indranagar amchai oh twi bangma jora oh gana gini ni borok rokno banchirina ongkhorkha Chiranjit. Waa ni rwng bai khorok sa bwrwi tei cherai no twiwi twi kwrwi bwkhak thangwi tongmani Chiranjit. Phiyabha ah jora oh no waa ni rwng philjagwi twi oh kwlaikha bo, aboni yagulo ah bwrwi tei cherai no banchiriwi manphano, Chiranjit Dey twi oh kochogwi thangkha. Aboni salni yagulo eba 23 august ni salmari oh twi ranphuru twima gana ni thai oh bini Chiranjit ni mangkwthwi mankha. Patimungni yagulo thanai 25 august ni salmari oh Chiranjit ni nukhungni borok rokno 4 lakh yapharwi rikha montri okra Dr.Manik Saha. Abohai khwlaiwi no, maya gwnang haa bubagra Pradyot Kishore Debbarma bini sak baithangni bwkhak twi thwinai Chiranjit Dey ni buma bupha no 50 thousand rang yapharwi rikha. Asalo koktwma thumnai rokni bwkango bo sakha, haste ni dalbidal thai oh twi lomsamani bagwi kwbangma borok rokno thwikha. Borok joto ni nukhungni borok rokno 50 thousand rang chubachu khwlainani bagwi sakhwlaikha bo, ah sakhwlaimungno rwgwi no thwinai Chiranjit Dey ni nukhungni borok rokno 50 thousand rang yapharwi rikha. Phainai salo oh nukhungni gana oh tongnai hinwi sakha haa bubagra Pradyot Kishore Debbarma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
