Pakistan rok bai tei kok kwtwi bai kok wngwlak hinwi swrai swrai sawi rikha Foreign Minister. Kok sanani jora laikha. Terrorist rokno chubawi tongo Pakistan, aboni yagulo borokno hai no hai tongkwchang ni bagwi kok salainani sao- kainwi kok eklogi wngwlak hinwi sakha Foreign Minister S Jaishankar. Asalo Delhi ni bijab phiyogmani panda oh abohai hinwi no sakha, tei aboni logi bo teibu sakha- joto samungni results tongo. Pakistan bai kwrwngwi tongnani jora paikha. Foreign Minister S Jaishankar sakha, Jammu & Kashmir ni Article 370 aboni mamla agino paikha. Abono tabok issue wngkha Pakistan bai chini halok bahai tongnai. Chwng tei siring siring tongya hinwi sakha bo. Positive phano wngthung negative phano wngthung chwng aboni phirokmung rinai. Abono twiwi mungsa phano bhuchiwi nahargwlak. Foreign Minister S Jaishankar sakha Pakistan bai kaham halok swnamnani bagwi kendra terrorist rokni kok no pogwi thangnani naiya. Pakistan oh terrorist rok level ni laiwi tongkha. Aboni bagwi no Bharat borokni abohai tamungno nasigwi tongwlak. Aboni yagulo bo teibu sakha, Pakistan ni waire wai ni Strategy wngkha ari oh terrorist rok attack khwlaikha hnk, Bharat no koksalainani bagwi simi no ringo. Phiyabha Pakistan mungsa yapri naharya, aboni bagwi bharat tabok borokni kokno maninani muchungjakya hinwi sakha. Aboni logi Bangladesh oh Hasina ni haphang baikha, kwtal haphang khaka, aboni logi Hindu rok chopropjagwi tongo hinwi sakha S Jaysankar. Haphang swlaijakmani yagulo Bharat bai bangladesh ni halok no twiwi sungjakmani yagulo Foreign Minister sakha, haphang chalogwi tongnai bai no chwng kok sanai. Joto hakotor ni gana ni hakotor rokni no jwngjal tongo hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
