Phainai 1 September ni simi Bharatiya Janata Party ni Membership abhiyan chengsajaknai. Hakotor rwgwi no cholinai oh samung bwtang. Oh abhiyan no bwskango toniwi no swrang salo aulini Muktadara hall oh kaisa panda songchakha pradesh BJP ni committee. Asalni panda oh manjakha hakotor rwk general editor Bhison Goutam, montri okra Dr.Manik Saha, pradesh BJP ni president Rajib Bhattacharya no khobui kubuni adongrok. Asalni panda no chati muchungwi chengsawi rikha BJP ni hakotor rwk president Bhison Goutam. Asalni panda oh kok narukna thangwi pradesh BJP ni president Rajib Bhattacharya sakha, phainai 1 september ni simi hakotor rwgwi bodolni samung bwtang no chengsawi rinai montri bokhorok Narendra Modi. Hakotor ni logi haste oh bo cholinai memberships abhiyan. Oh samung bwtangno success khwainani bagwi no swrang salo ah panda songchajakha hinwi sakha pradesh BJP ni president. Asalo bo teibu sakha, tabok haste oh 6 lakh 50 thousand BJP ni members rok tongo. Takwlai bisi oh bodol ni members rokno teibu bariwi north-east ni bisingo joto ni kwbang memberships swnamnano nasigwi samung khwlaiwi tongo bodol. Asalo pradesh BJP ni president Rajib Bhattacharya sakha, haste ni mondal level ni simi chengsawi kwbangma morcha level jora oh memberships abhiyan cholinai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
