Hapania ni Tripura Medical college nwi chi bisi oh yakung rwikha. Kwrak salo TMC ni 19 bisi sal pungsakha. Abono kitingwi no TMC oh kaisa open gym tei badminton court phiyogwi rijakha. Asalni panda oh manjakha haste ni montri okra Dr.Manik Saha, haste ni sakham tangbedekni secretary Kiran Gitte. Asalni panda oh kok narukna thangwi montri okra sakha, haste ni sakham tangbedek oh kwbangma manwi khwnwi no swlaijakha. Super speciality tongo, CTBS, Neuro surgery, plastic surgery no khobui joto no wngo tabok Tripura haste oh. Phiyabha aboni yagulo bo sak naijaknani bagwi phatar haste oh thangwi tongo lukorog. Asalo montri okra teibu sakha je, AGMC doctors rok ILS oh thangwi tongo. Haste haphangni sebok khwlainai doctors rok ILS sakham nogo sebok khwlaiwi manyani bagwi sakham nogni tangphang rokno dagikha bo. Asalo doctors rokni phasingo yasi surwi montri okra sakha, rangni okologo khachigya karwi lukorog ni hamkrai khwlainano nasigwi samung khwlainani bagwi sakha montri okra. Abohai wngyakhe doctors rokno puito chagwlak lukorog. Asalni panda oh Tripura Medical college ni kaham students rokno sokat rikha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
