Khokjak mani rangchak ni manwi ni logi khorok nwi sikla no romkha new capital complex thana ni police. police remand sanwi adalat o tisa jak nai hwnui sakha salthang hangkor police super Dr.Kiran kumar. salthang hangkor police super Dr.Kiran kumar saklai kha, sal nwi sal tham romwi no rajakhor aguli ni dal bidal amchai ni simi kok silsamwng phawi tong mani,phung o himna bagwi ongkhorwi khorok nwi khorok tham samwng hamya khwlainai rok totra ni chain sotonwi kharwi thang kha. abo hai kok silsamwng manwi no CCTV footage nawi khorok nwi no romkha, khorok sa ni mwng Samir mia tei Bapan nandi, Samir mia ni nok bhati abhaynagar tei Bapan nandi ni nok madhya bhuban ban amchai o hwnui sai mankha, borok khorok nwi no abo hai samwng khwlaikha hwnui saimankha. abo ni ulo no CCTV footage nawi khorok nwi no romkha, abo ni logi borok ni thani kai chi tham rang chak ni chain,khunju ni ring,khung sa bike mankha,bo rok hati o dor ung nai 15 lakh rang hwnui sakha police super Dr.Kiran kumar.swrang salo o police remand sanwi adalat i tisa jak naihwnui sakha salthang hangkkor ni police super.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
