Deramwng o kwlai mani haste ni loku rok twi lomwi teisa agi ni kahai kiphilwi phai nai,ah slogan no bwskang o tonwi haste ni twilomwi deramwng o kwli jak loku rok no chuba nani bagwi bwskang o phawi kha salthang Tripura loksabha ni dagiphang Biplab kumar deb. montri okra tong mani jora ni simi no haste ni loku rok ni kaham-hamya jora o logi rwkha Biplab kumar deb.sak ni mwchugma bai agi rogo bo deramwng o kwlai jak loku rok no logi rwkha Biplab kumar deb.tabuk bo haste o twilomwi deramwng o kwlai jak loku rok ni logi bacha kha dagiphang Biplab kumar deb.haste ni dal bidal amchai o deramwng o kwlai jak loku rok kebo phano chamwng ni beyal o ta kwlai thung abo no naharwi no 10 thousand bag chamwng bagwi rwna ni bagwi twilomwi deramwng o wklai jak amchai rogo thang kha, phiya ba habar no naikolwi chamwng rok teibo kwbang bagwi mano hwnui sai mankha, je sak mansak dati khe deramwng o kwlai jak loku rok no chamwng rwna ni bagwi samwng khwlai tongkha, dati khe samwng pai rwna ni bagwi kwbangma samwng khwlainai tei hoda naikolnai rok samwng bai gwdal phai mani bo nuk jak kha, miya hor ni simi chengwi chamwng no packet o khama ni samwng chengwi rwjak kha, tang sal ni phung ni simi hor jora ah samwng choli nai, abo ni ulo kwrak salo haste ni dal bidal amchai o twi lomwi deramwng o kwlai jak amchai rogo chamwng bagwi rwjak nai, tang salo kokthum thumnai ni bwskang o abo hai khe no khuk kengkha,samwng no naikolnai khorok sa hoda ni ungwi samwng khwlainai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
