Sal kisa ramwi haste rwgwi belai no watwi phaima bai haste rwgwi no tung lomsakha. Twi kwlogwi eba haa phobjagwi kwbangma borok thwikha. Kwbangma borok rokni nog huk kwmakha, nukhung khuchili par wngwi twi torma bagwi kwbangma borok rokno relief camp oh thangwi tongnani nangkha. Kono kono thai oh twi komiphano, maximum thai oh tabok phano twi komiyakhu. Kwbangma borok rokni nogni manwi khwnwi khochogwi thangkha tei nosta wngkha. Koktisalo Pratapghar english medium school ni relief camp nainani thangkha haste ni Governor Indrasena Reddy Nallu. Relief camp oh tongnai rok bai kok salaikha bo. Haphang ni bwkhak twi relief camp oh tamo tamo rijagwi tong, aborokno cherwi naikha bo. Relief camp oh tongnai borok rokni mungsa jwngjal wngya twi mokol kaisonwi nainani bagwi officers rokno dagikha bo. Twi torwi nog nukhung kwmajaknai rokno dakti dakti no khoti rina bagwi montri okra bai kok salaikha hinwi sakha Governor. Asalo bini logi tongkha Agartala municipal corporation ni deputi Mayor Manika Das Datta, Agartala municipal corporation ni yakchu commissioner Mohammad Sajjad, no khobui naimwthang bodol ni kwchum berem ni officers rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
