Twi lomwi joto ni swlai deramwng o kwlai kha gaste ni gomoti tei south Tripura hangkor oh, cha salo gomoti hangkor udaipur bwkhaste ni dal bidal twi lomjak amchai beranaikha pradesh BJP ni achugphang Rajib bhattacharjee, puila oh bo matabari bidhan sabha kendra ni dal bidal amchai berai naikha, pradesh BJP ni achugphang ni logi tong o amchai ni MLA Abhishek debroy, matabarai bidhan sabha kendra ni dal bidal amchai o twilomwi deramwng o kwlai jak loku rokni bising o tran ni bagwi bagwi rwkha pradesh BJP ni achugphang.abo ni ulo aro ni simi udaipur jamjuri amchai berai naikha, aro thangwi pradesh BJP ni achugphang no logi rwkha haste ni rangthong tang bedek ni montri Pranajit singh roy, jamjuri kami panchayat bai khobjak jamjuri school o tran sibir khulgwi rwjak kha, sibir o tong nai loku rok bai kok sakha BJP ni haste achugphang, ag salo sibir o tong nai loku rok saklai kha, twi lomwi sak ni ri-chum simi bachi kha tei nok ni mwng sa manwi phano kaham tong liya. belai khe no deramwngo kwlai kha,twilom mani bagwi tnok yakarwi tran sibir o ma phai nani nang kha, sibir o wai nwi mai tei wai nwi khwlawi tiffin rwoi tong kha,abo ni logi rwoi tongkha nung jak nai twi bo. sibir o kaham khe no naikol mwng rwjak tong kha hwnui sakha tong nai rok.RK pur bidhan sabha kendra ni dal bidal tran sibir berai mani ulo pradesh BJP ni achugphang Rajib bhattacharjee sakha, gomoti hangkor udaipur-amarpur-matabari tei south hangkor ni logi rajakhor aguli ni dal bidal amchai watui phai mani bagwi twilom bai kha. montri okra Dr.Manik saha ni naikol mwng o haste hapang dati khe no sep nahar kha, 300 ni kahai tran sibir khulugwi rwjak kh, BJP ni samwng khwlainai rok ni simi romwi montri,ML,MP rok no bo khola oh ongkhorwi loku rok ni logi bacha mani nuk jak kha.ah salo jamjuri school ni tran sibir o bachawi haste ni rang thong montri Pranajit singh roy saklai kha, RK pur bidhan sabha kendra o 40 ni kahai tran sibir khulugwi rwjak kha, sibir o tong nai joto loku rok ni bising o chamwng, nung jak nai twi tei bithit bagwi rwjak kha, montri teibo saklai kha, Canal bai mani ulo pha salni hor ni simi no udaipur aguli ni mangpili swlai jak thang kha, twi lomwi aguli o phai mani bagwi tong kosong loku rok teibo deramwng o kwlai nani nang kha,joto pati mwng no kaham khe naikolwi tong kha administration ni bwkhak twi.ah salo MLA Abhishek debroy saklai kha, matabari bidhan sabha kendra o twi lomwi kai chi bwrui kami panchayat deramwng o kwlai kha, abo ni bising o joto ni swlai deramwng o kwlai kha maharani,north maharani,kunjaban tei salka kunjaban kami panchayat. twima ni twi komi phano canal bai mani bagwi udaipur aguli tei matabari ni khak sa thai twi lom bai kha, abo ni logi BJP ni samwng khwlainai rok no bo hambai yaphar kha MLA Abhishek debroy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
