flood ni bagwi relief camp oh ma tongnai lukurogni bagwii sak naikulmungni barja nahar kha Ram krishna mission . ram krishna mission ni luajimung bai aswk kahamno chubachu rina bagwi yak rikha Agartala puranigam tei Salthang hangkhor naikulnai. cha salo ram krishna mission ni luajimung bai agartala puranigam ni 43 no ward bai khubjak pratapgarh english medium rwng nogo kaisa sak naikulmungni samung bwtang khwlaijak kha.aro sak naikuljaknai rogno magna no bithi rogbo bagjak kha. ah salni sak naikulmungni samungo aro tongwi naikul kha hangkhor naikulnai Bishal kumar. omo hai kaham samung rogno twiwi ah salo hangkhor naikulnai Bishal Kumar sakha, flood wngkhe kwbangma bemar no lukurogno sakgo wngmani nukjakgo . ah bemar rogni yak kakna bagwino omo hai saknaikulmungni camp rog khwlaijakgwi tongo. ah salo lukurogno chamung bithi ni logio bleeching powder rog bo bagwirijak kha .ah salni sak naikulmungni samung bwtango manjak kha AMC ni mayor eba MLA Dipak majumdar . bo sakha , agaratala ni je amchai rogo flood wngkha ah amchaini relief camp oh omo hai saknaikulmungni samung bwtang khwlaijakgwi tongo tabok. ah salni kaham samungni bagwi ram krishna mission mothano bo hambai yaphar kha mayor Dipak majumdar.ah salni samung bwtango manjakgwi ram krishna mission ni maharaj sakha je swk mansak kwbangma relief camp oh tongnai lukurogni bagwi chubachu khwlaina bagwi chaitukgwi tongo borogni motha. ah naharmungno bwskango tonioi no udaipur , belonia , bishramganj , melagarh hai kwbangma thaio cha salo sak naikulmungni samung bwtangno songsai rikha ram krishna mission motha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
