Kolkata ni RG kar medical college ni mamla no twiwi tabok pha salo romjaknai no adalat oh twlangjak kha. aro bono sal chibrwini bagwi kwrak naikulmungo tonina bagwi saklaiwi rikha adalat. RG kar mamla oh romjaknai no sal chibrwini bagwi naimwthangni naikulmungo rohorna bagwi dagimung rikha Adalat. pha salo bono sealdah ni magistrate adalat oh twlangjak kha. adalat ni phataro tongmani khoroksa deputy commissioner . ganao bachajak kwbangma sengkrak rog police rog. aboni logio tongmani CBI ni tangkrak rogbo. koktwmo saimankha ah salo kerongphani cabin bisingo no dagimung saklaimani samung khwlaijak kha hinwi. aro khoroksa bo koktwma thumai tri kubuni borok rogno dajakliya. adalat ni samung wngwi tongma jorao phataro public ni justice ni bagwi chiriklaiwi tongmani. samung sitra tangnaino dati fasi rina bagwi sanmung khwlaikha borog. phiya romjaknaini bwkhaktwi bail ni bagwi koimung rijak kha. ah koimungno gosiya karwino sal chibrwini bagwi romjaknai no kwrak naikulmungo tonina bagwi dagimung rijak kha. saklaimung paimani yagulo ah salo mwkhang thuklobwi romjaknaino twlangwi thangjak kha. khursathai kolkata ni RG kar medical college oh khoroksa bwrwino khairokm singsakhe rape khai bwthar mani mamla no twiwi no kolkata gwnangwi ur patioi tongo hati barsa rwksai no. patimungno twiwi tabok naikulwi tongo CBI.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
