August talni 21 tei 22 salnwi ramwi haste oh belai no watwi phaikha. Aboni yagulo haste rwgwi no twi lomsakha. Aboni bagwi haste ni chwngphereng tei hukbar khwlainai rokni belai no khoti wngkha. Phasalo kaisa kokthum panda khwlaiwi abohai no sakha haste ni chwngphereng tei hukbar tangbedekni montri Ratan Lal Nath. Asalo montri sakha, haste ni 68 thousand 826 hactor thai twi tola oh sagwikha. Aboni bagwi khoti wngkha 243 thousand 810 matrick ton mwikhutung nosta wngkha. Rangni mari twi nainani thangkhe bini mari wngkha 532 crore 25 lakh ni khoti wngkha. Haste rwgwi 1 lakh 42 thousand 406 hukbar khwlainai rokni khoti wngkha. Haste ni chwngphereng khoti wngmano twiwi montri Ratan Lal Nath sakha, haste oh 1 thousand 603 pilar baiwi kwlaikha, 501 transformer nosta wngkha hinwi saimankha. 641 kilomiter chwngphereng ni tar nosta wngkha hinwi sakha bo. 33 tei 66 KV ni kainwi sub-station nosta wngkha. Abo wngkha Ampi tei Julybari amchai oh. Chwngphereng tangbedek oh bebagwi khoti wngkha 9 crore 2 lakh rang. Haste rwgwi chwngphereng tangbedekni 111 team rok samung khwlaiwi tongo. Asalni kokthum panda oh montri Ratan Lal Nath sakha, haste ni laibuma oh 1952, 1983 tei 1993 bisi oh flood wngkha. Phiyabha aboni sai phano kotor flood wngkha 2024 bisi ni august talo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
