Sangrong salo agulini kwbangma twilumjak amchai rogno kaham khe naicherwi nai kha AMC ni mayor Dipak Majumdar. ah salo bini logio tongkha deputy mayor Manika Das datta tei AMC ni commissioner Shailesh kumar Yadav. Hasteo sal nwi sal tham rwksaino kwbangma watwi phaiwi tongo. amoni bagwi hasteni howra twisa ni twi torsai thangkha. pukiri ni twibo torsai phaikha. amoni bagwi haste gwnangwino twi lumsamani mari nukjakgwi tongkha kwbangma no . belaino hamya habar wngjak tabok hasteni. lukurogno banchirina bagwibo kwbangma relief camp swnamjak kha hasteo. twi lumsamani mari rogno naichum bagwi sangrong salo aguloni kwbangma thaino beraiwi naikha agartala pura nigamni mayor Dipak Majumdar. ah salo mayorni logio tongkha deputy mayor manika das datta tei pura commissioner shailesh kumar Yadav. ah salo mayor dipak majumdar sakha , watwi ni twino drain ni simi norna bagwi AMC ni oro kai chisni pump machine tongo. aboni bisingo kai chidok machine samung khwlaina chengwi rikha. twiwi hapma bagwi kaisa machine hamya khwlaikha. abono swnamna bagwi chaitokjakgwi tongo. howrah twi tei pukiri ni twi baiwi phaima bagwi kwbangma amchaio twi bisingo wngjak tabok agulioh. aroni bisingo tongo ram nagar , katakhal , chandrapur , pratapogarh hai kwbangma amchaino. khursathai kwlaio sangrongsalo phong dam char ni jora twi watwi phaimani bagwi agulio 233 milimiter watwi wa kha. agulini kwbangma drain oh no twiwi pungwi thangkha. aboni bagwi kwbangma amchaio flood phaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
