Thanai saltham ramwi haste oh watwi phaima bagwi haste rwgwi no twi lomsakha. Aguli ni dalbidal thai oh twi pungbaikha. Lukorog ni nog nogo twi hapbaikha. Aboni bagwi lukorog no banchira bagwi aguli oh kwbangma Relief camp kholokjakha. Sangrong salo kwbangma Relief camp goriwi naikha montri okra Dr.Manik Saha. Asalo bini logi manjakha kwbangma dalbidal ni officers rok. Asalo haste ni lukorog no kok kwcharkha montri okra. Kiri koro wngnani aswk kono kok kwrwi, abohai Tripura oh waisa phano wngyakhu. Amarpur ni situation joto ni sai hamya hinwi sakha bo. Aboni yagulo montri okra teibu sakha, Sangrong salni phungo union home minister Amit Shah bai kok sakha bo. NDRF ni kwbangma bodol Tripura oh phaiwi sokphaikha. Borokni logi kwbangma boat bu tubujakha. Air lifting khwlaiwi lukorog no banchirina bagwi haste oh khungnwi helicopter tubujakha. Aboni logi joto no chubachu khwlainani koikha montri okra, lukorog no safety khwlainani bagwi hopung sapung chaitokjagwi tongo hinwi sakha montri okra. Asalo koktwma thumnai rok bai kok sungjakmani yagulo montri okra sakha, aguli ni Howrah twimani twi belai no bangwi tongkha. Phiyabha par baiwi kono thai oh thangya hinwi saimankha. Aboni yagulo bo teibu sakha Gomati ni Switch Gate kholokjakyakhu. Twi ni level bangkhe atomatic switch gate kholokjaknai hinwi sakha montri okra. Asalo nobar habar tangbedekni bwkhak twi sawi mankha je, Howrah twi mani twi kominani chengkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
