Haste o twi lom mani bagwi kendriya union home minister Amit shah ni thani teibo kwbang NDRF bodol sankha montri okra Dr.Manik saha. abo hai khe haste o dati no NDRF bodol rohorna hwnui kok rwkha kendriya union home minister. Kwbang watui phai mani bagwi rajakhor aguli ni kwbang ma thai rogo no twi lom baikha,montri okra Dr.Manik saha sak ni tongthai nok bwskang o bo twi lom mani nuk jak kha, abo hai jora o ah salo nok ni simi boat o kawi twilomjak thai par ungmani nukjak kha montri okra no. abo ni ulo malkhung kawi secretariat o thang kha montri okra, abo ni swkang kokthum thumnai bwskang o montri okra Dr.Manik saha sakha tabuk sak jora 375 milimeter watui wakha, abo hai watui kwbang agi rogo ungya kho. montri okra teibo sakha, haste ni dal bidal thai rogo watui kwbang no ungkha, abo hai jora rogo teibo NDRF bodol rohona bagwi kendriya union minister Amit shah ni thani sanmwng khwla kha montri okra. abo hai no dati khe haste o NDRF bodol rohor nai hwnui sakha kendriya union home minister montri okra Dr.Manik saha no.bo teibo sakha,habar ni phasing kaham khe no naikol mwng khwlai tongkha hangkor naikolnai,bwkhaste naikolnai ni logi kwchug thai ni samwng khwlainai rok. twi lom mani bagwi tabuk sak khorok sni ni langma chokha,khorok nwi kwma kha, twi lomjagwi nok yakarwi sibir o tong nai loku rok no sep rwnai haste hapang ni bwkhak twi. phiya ba sangrong sal ni phung ni simi haste o watui phai mani kisa komiwi mano hwnui salbar nokbar tang bedek ni bwhak twi sai mankha kaisa koktwma ni bising twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
