Hatseni rajyasabha ni kaisa bukcha achukthai ni by election oh BJP ni wngwi nomination bwlai joma rikha BJP haste achukphang Rajib bhattacharjee. swrang salo returning officer ni oro thangwi nomination bwlai joma rwi kha bo. ah salo Rajib Bhattacharjee ni logio thangkha Montri okra Dr.manik saha , hasteni rangthong montri Pranajit singh roy , montri Sushanta chowdhury tei BJP bai tipra motha bodolni MLA rog. ah salo koktwma thumnai rogni bwskango montri okra Dr.Manik saha sakha , hasteni BJP bodol ni achukphang wngwi belaino kaham samung khwlaikha bo.tabok phainai chongmario kwplai wngkhebo haste tei hasteni lukurogni bagwi kaham samung khwlainai. Rajya sabha ni achukthaini bagwi Rajib Bhattacharjee ni mung saklaimani bagwi montri bokhorok Modi , home minister Amit Shah tei BJP president JP nadda no hambai yaphar kha montri okra Dr.manik saha. ah salo koktwma thumnai rogbai kok sai rajib bhattacharjee sakha, bono teibo kuchuk beremni barja rimani bagwi bo belaino kha swrangjak hinwi. amoni bagwi montri bokhorok Modi , home minister Amit Shah tei BJP president JP nadda no hambai yaphar kha Rajib Bhattacharjee. ah salo koktwma thumnai rogbai kok swngjakgwi rajib bhattacharjee sakha , bodolni tei kubuni bodol rogni joto MLA rogno bo bono chubachu khwlaina bagwi kobokmung khwlai kha bo . khursthai kwlaio hasteni rajya sabha ni kaisa achukthaini bagwi phainai 3 september salmario chongmari wngnai .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
