Haste o watui kwbang phai mani bagwi joto loku rok no deramwng o kwlai kha, tei abo ni logi haste o bo twi lom mani nuk jak kha, abo hai habarno nugwi montri okra sal nwi bagwi joto school college mwthagwi ton nani bagwi gosi mwng rwkha social media twi. Watui kwbang phai mani bagwi tei haste ni joto thai rogo twi lom mani bagwi swrang sal tei sangrong salo haste ni joto sarkari tei besarkari school mwthagwi ton jak nai hwnui gosi mwng rwkha haste hapang.abo ni logi swrang salo joto haste ni college rok bo mwthagjak tong nai hwnui social media twi post khwlawi sawi rwkha montri okra Dr.Manik saha. sathai kwlai o,Tripura o sal tham romwi watui kwbang phai mani bagwi twi lom bawi deramwng o kwlai jak loku rok,haste o habar deramwng o asuk khe no kwbang ung mani nuk jak kha, nok ni simi ongkhorwi manliya tong kosong loku rok.twisa ni simi romwi twima ni twi bo tor mani nuk jak kha, tabuk habar deramwng ni kok wansugwi swrang sal tei sangrong salo haste ni joto school mwthagwi ton nani bagwi gosi mwng rwkha montri okra, sathai kwlai o rwng swrung nai rok ni kok wansugwi no abo hai sep nahar jak kha,ah salo montri okra rwng swrung nai,rwng phwrung nai tei joto samwng khwlai nai no gosimwng palai nani bagwi kobok mwng khwlai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
