Ramnagar bidhan sabha kendra ni south joynagar tei gana gini amchai o watui kwbang phai mani bagwi twi lom bai kha, kwrak salo ah amchai berai naina bagwi thang kha agartala pura nigam ni mayor eba MLA Dipak majumdar. Tang salo watui kwbang phai mani bagwi rajakhor aguli ni khak sa thai ni amchai rogo twilombai kha, watui kwbang phai mani bagwi twima ni tui kotor ungwi dal bidal amchai rogo bo tui habkha, abo ni bagwi ramnagar bidhansabha kendra ni south joynagar tei gana gini amchai rogo.twi kwbang ung mani bagwi kwrak sal ni phung ni simi loku rok no SDRF bodol thangwi nok ni simi loku rok no tubwi tongkha sibir o.abo ni bagwi hangkor naikolnai tei bwkhaste naikolnai rok kaham khe no sep rwkha amchai ni loku rok no. kwrak salo south joynagar tei gana gini amchai beraina bagwi thangkha agartala pura nigam ni mayor eba amchai ni MLA Dipak majumdar,bo amchai ni loku rok bai kok sakha,tran sibir berai nai mani yagulo kokthum thumnai ni bwskang o mayor saklai kha,tabuk ni bagwi kaisa camp khulugwi rwjak kha,aro chamwng rok ni bo sep rwjak kha,je loku rok nogo tong nani mwchug o borok ni bagwi bo chamwng ni sep rwjak nai. tei khak sa phasing khe twima ni twi kwbang ungwi tong mani bagwi rajakhor aguli ni chandrapur tei gana gini amchai ni nok rogo bo tui habkha.administration ni logi amchai ni loku rok bo samwng o yak rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
