Kwbang watui phai mani bagwi haa ni nok kuwagui khung sa nwkhung ni khorok tham ni langma chokha. pati mwng patikha kwrak sal ni phung o santirbazar bwkhaste devipur ADC village bai khobjak amchai o. Kokti sal ni hor ni simi haste ni dal bidal thai o watui phai mani nuk jak kha, tang salo bo sapung hopung romwi watui phai kha,south hangkor ni santirbazar bwkhaste o kwbang watui phai mani bagwi haa ni nok kuwagui kwlai kha,abo ni bagwi pati mwng thaio no langma chokha nwkhung khung sa ni no khorok tham, pati mwng pati kha kwrak salni phung o. south hangkor santirbazar bwkhaste bai khobjak devipur ADC village ni kochhop chora kami o. ah kami o no Trisankar chakma ni tongthai nok tong mani,haa ni ah nogo no bihik Ranjani chakma tei umar chi nwi bisi ni bwsajwk Mita chakma no twi tongwi tong mani Trisankar chakma,sal brum brum ni kahai tang sal ni horo mai chawi rokwi tong manijora haa ni nok kuwagui kwlai kha, pati mwng thaio logi logi no langma chokha khorok tham ni. amchai ni loku rok no haa norwi khorok tham ni mang kwthui tikhlai kha,abo ni ulo amchai ni loku rok santirbazar bwkhaste naikolnai no koktwma rwkha,phiya ba kwbang watui wama ni bagwi pati mwng thai o jora ni bising o thangwi sogwi manliya,ah pati mwng no kitingwi santirbazar bwkhaste devipur ADC village o kha khamlai jak joto loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
