Tepania sakham nogo sebok khwlaiwi tong Dr.Amaresh Bhowmik bihik koso Mukta Begum no satok pitok khwlaimani koksilsamung kasakha. Swkango no waisa kaijag ah doctor,bini bihik tei bwsajwk masa tongo hinwi sakha bihik koso Mukta Begum. Justice sanwi dorbar nogo thangkha Mukta Begum. Saka oh tongnai mwtai ni yagulo haa oh tongnai Dr. rokno mwtai hinwi siniwi tongo. Phiyabha haa oh tongnai ah mwtai hinjaknai dr. Amaresh Bhowmik no khorok tham borokni langma no twiwi thwngwi tongkha. Khorok sa bihik tei bwsajwk tongmani yagulo bo khorok sa thorok bosongni bwrwi no kaijagwi bono satok pitok khwlaimani koksilsamung kasakha khorok sa doctor no kebengwi. Aboni bagwi no justice sanwi dorbar nogo thangkha doctor ni bihik koso. Bisi sa swkang Dr.Amaresh Bhowmik Mukta Begum mungwi khorok sa thorok bosongni bwrwi no hindu dharmani raida bai kaijakha. Kaijakmani sal kisa ni yagulo no Mukta Begum sawi mankha bini bwsai eba doctor Amaresh Bhowmik swkangno kaijak chwla, tei bini khorok sa sajwk bo tongo hinwi saimankha. Abono twiwi sawi manmani yagulo no Mukta Begum no satok pitok khwlainani chengkha bwsai eba doctor Amaresh Bhowmik. Dr.Amaresh Bhowmik tabok Tepania sakham nogo sebok khwlaiwi tongo. Tepania sakham nogni quarter oh tongo Dr.Amaresh Bhowmik tei bini bihik koso Mukta Begum. Patimungni yagulo Dr.Amaresh Bhowmik no kebengwi RK Pur thana oh mamla khwlaikha Mukta begum. Phiyabha oh mamla no naichernai officer kaham khwlaiwi naicherya karwi no Dr.Amaresh Bhowmik ni phasingo bhachawi charge sheet swiwi dorbar nogo joma rikha hinwi koksilsakha Mukta Begum. Justice sanwi haste ni mung gwnang lawyer ni thani thangkha Mukta Begum. Oh case no hai no hai open khwlaijakmani yagulo Gomati hangkhor ni dorbarphang mamla no naichernai officer no kaham khwlaiwi naichernani bagwi dagikha. Abono twiwi swbai sukurwbwi sawi khwna rikha senior lawyer Kishaloy Saha. Saka oh tongnai mwtai ni yagulo haa oh tongnai Dr. rokno mwtai hinwi siniwi tongo. Phiyabha haa oh tongnai ah mwtai hinjaknai dr. Amaresh Bhowmik no khorok tham borokni langma no twiwi thwngwi tongkha. Tabok abono nainani tongsi oh Mukta Begum no justice rinani bagwi bwswk jora twi chaitogno.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
