Watui kwbang phai mani bagwi aguli ni khak sa thai ni amchai rogo twi lom bai kha, abo ni bagwi 19 tran sibir o khulugwi rwjak kha hwnui sakha sadar bwkhaste naikolnai Manik lal das. Bwkhaste ni kwbang ma thai rogo no watui kwbang phai mani bagwi twilom bai kha, abo ni bagwi tong kosong loku rok belai khe no deramwng o kwlai kha, hor kwthug ni simi rajakhor aguli ni hawrah twima ni twi kwbang ung mani bagwi gana gini amchai ni loku rok nok yakarwi tran sibir o tong nani nang tong kha, koktwma manwi logi logi no thangwi sogwi kha sadar bwkhaste administration tei hangkor naikolnai ni bwkhak twi,phung o thangwi sogwi kha SDRF,agartala pura nigam tei TSR ni 2nd battalion ni seng kwrakrok, ah salo kokthum thumnai ni bwskang o sadar bwkhaste naikolnai Manik lal das saklai kha, watui kwbang phai mani bagwi twima ni gana gini amchai rogo twi lombai kha, sadar bwkhaste naikolnai teibo saklai kha, kwrak salni dipor jora kai chi chuku tran sibir khulugwi rwjakha, aro thangwi sogwi kha 2200 jona borok. tran sibir o chamwng tei nungjak nai twi ni sep khe bo rwjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
