Phai tong nai 31 august sal mari ni simi aguli o sal nwi ni bagwi north east council ni achuglai mwng ung nani nai tong kha, ah panda o phawi manjak phai nai kendriya union home minister Amit shah ni logi kai haste ni montri okra tei haste pha. Taklai no puila NEC eba Northeast Council ni achuglai mwng ung nani nai tong kha, joto phasing twi soi osi samwng ungkhe phai tong nai 31 sugust tei 1st september ah sal nwi aguli o NEC ni achuglai mwng ung nai,ah achuglai mwng o phawi manjak phai nai kendriya union home minister Amit shah. abo ni logi phawi manjak phai nai north east ni naikolnai montri rok bo. abo ni logi o bo NEC achuglai mwng o Tripura no karwi teibo kai dok haste ni montri okra tei haste pha tei kwchug thai ni jtoo samwng khwlainai rok bo phawi manjak phai nai,.tang salo montri okra Dr.Manik saha kokthum thyumnai ni bwskang o ah kok sawi khuna rwkha, bo teibo saklai kha, achuglaimwng o haste ni dal bidal phasing twi deramwng o kwlai jak joto ni swlai ari amchai no twi kok salai nai. tei abo ni logi tabuk sak jora bwsuk kaham samwng ung kha abo no twi bo kok salai nai,. montri okra teibo sakha,ashuk kwbang montri okra, haste pha, kendriya montri tei kwchug thai ni samwng khwlainai rok boro tong nai,achuglai mwng boro ung nai, abo no twi bo achuglai mwng khwlai nai. tei khak sa phasing khe sai man kha, NEC ni achuglai mwng ni bagwi kai nwi thai chonghor jak kha, kaisa ung kha pranga bhavan tei kaisa ung kha bidhan sabha bhavan, tabuk naikol mwng boro ungnai NEC ni achuglai mwng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
