Pha sal ni hor korthokgo teliamura hawai bari amchaio belaino wanamasingsakhe manwi khok kha sikok bodol rog. nogni nukphangni yakong yak khaoino joto rangchak tei cash rang khokgwi twlang kha sikok rog. hor kothokgo teliamura thana bai khobjak salthag hawaibari gram panchayat amchaio wanama singsakhe sikok hap kha. patimungo khungsa nogni khorok tham borokno sakgo dokho mankha.nogo jeswk rangchak tei rang tongmani joto khokgwi twlangkha sikok rog. koktwmao saimankha pha salni horo dam nwi wngmani jorao mwi kwthwng phalnai Krishnadhan das ni nogo half pant ba genji chomjak khorok chi swk sikokni kaisa bodol hap kha. sikokni bodolrog krishnadhan tei bini bihik bai sajwlani yakong yak khaoi nogni joto manwi khonwi rog khok kha. logio borogni kai tham mobile phone bo khokgwi twlang kha hinwi saimankha. manwi rog khokgwi pai mani yagulo nogni rwjai rog baino krishnadhan tei bini nogni borok rogno thakulopbwi bulwi kwlango sikok rog. yagulo nogni borok rogni chirikma khorang khwnai thanao koktwma rikha amchaini lukurog. patimungno twiwi amchai gwnangwino tabok kirikhoro wnglaijak joto lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
