Haino hai kirima singsakhe train accident wngkha. hati bar kisa swkangno rail line ni nokhorwi haura ni simi mumbai thangnai khongsa train ni accident wngmani. tabok hinkhe hor rail line ni nokhorwi accidnet wngkha sabarmati express ni. koktwmao saimankha bebagwi kai nwichi railni coach kakgwi kwlaikha. train oh ah jorao 1300 jona passenger bo tongmani. jora kisani bisingono waire waino train accident wngwi tongkha hakotoro. thangnai tal oh hinkhe sealdah oh thangwi tongnai kanchajunga express ni accident wngkha. tei chakradhar puro bo haura ni simi mumbai thangnai train ni accident wngkha. oh kainwi patimungono kwbangma lukurog langma ari kha . tabok rail ni naikulmung twiwi kwbangma swngmung bo achaiwi tongkha. cha salni phong aisiri siri oh uttar pradesh ni kanpur tei bhimsen station ni kwcharo rail line ni nokhorwi paio ah train. phiya tabok swk joratwi langma ari mani koktwmao phaiya kho. rail naikulna rogni bwkhaktwi saklaijak kha rail line oh kaisa bolder tongmani. amoni bagwi train ni engine hamya wngwi thangkha. amoni bagwino train accident wngkha hinwi wansogjak kha tabok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
