Phasalo Teliamura bwkhaste ni Duskir Hari Radha Vidyamondir ni panda oh thangwi manjakha haste ni Governor Indrasena Reddy Nallu. Asalni panda oh bono karwi bo manjakha bidhansabha ni hujakphang Kalyani Saha Roy, hangkhor naikolnai Chadni Chandran, hangkhor ni police super no khobui kubuni adongrok. Asalni panda oh kok narukna thangwi haste ni Governor Indrasena Reddy Nallu sakha, hakotor rwgwi no Vidyabharti bai naikoljak kwbangma school tongo. Aboni yagulo bo teibu sakha, oh organization bharat ni hukumu mukumu twiwi rwng swrwngnai swrwngnaijwk sngno phwrwngwi tongo. Rwngnog sudu certificate ni bagwi simi wngwi wngya. Lekha swrwngmani logi dalbidal bedekni swrwngmungno bo swrwngnani nango. Asalni panda oh kok narukna thangwi bidhansabha ni hujakphang Kalyani Saha Roy sakha, lekha swrwngmani logi dalbidal swrwngmungno twiwi bo phwrwngjagwi tongo. Aboni bising twi rwngnog ni cherai rok bwskango agugwi manai. Aboni bagwi rwngnogni committee ni members rokno hambai yapharkha bo. Khursathai kwlai oh Vidyabharti 1947 bisi oh swnamjakha, hakotor ni kwbangma rwngnog no naikolwi tongo oh organization.
All Tripura Mini Truck Association ni bwkhak twi MLA no borom rijakha
Tangsalo Labor Monitoring Cell authorized, All Tripura Mini Truck Association ni luajimung bai kaisa panda ni bising twi 7-Ramnagar bidhansabha...
