Bharat hakotor ni kwcham montri bokhorok Atal Bihari Bajpayee ni mwtai chama salo bono kholomwikha borom yapharkha hakotor ni president Droupadi Murmu, montri bokhorok Narendra Modi, Vice President Jagdeep Dhankar no khobui kubuni kwchuk beremni ojama sng. 2018 bisi ni 16 august ni salmari oh swngchar no yakarwi thangkha BJP ni kwcham ojama eba Bharat hakotor ni kwcham montri bokhorok Atal Bihari Bajpayee. Phasalo bini simlango thangwi khomriwi kholomwikha montri bokhorok, president no khobui kubuni adongrok. Montri bokhorok Narendra Modi social media ni twiwi post khwlaiwi swikha, kwthar tithi ni salo Atalji no chwng muito khwlai oh, hakotor no bwskango twlangthani je samung khwlailangkha, aborokno hakotor ni lukorog muito naruknai. Bharat ni lukorog kaham kwrwngni bising twi tongwi thangwi mannani bagwi sak baithangno hamkrai ni samungo bedugwi rikha bo. Bharat hakotor no twiwi je emang phunuklangkha abono twiwi chwng samung khwlainai. Bharatiya Janata party ni tangphang Atal Bihari Bajpayee puila bini langma oh RSS bai gwdalkha, aboni yagulo RSS teibu kwrak bodol wngkha. Aboni yagulo 1996 bisi oh puila montri bokhorok wngkha bo. Phiyabha bini haphang sudu 13 days simi no tongwi mansi oh. Aboni yagulo 1998 bisi oh hai no hai montri bokhorok wngkha bo. Ah jora 13 month montri bokhorok tongkha bo. Bini montri bokhorok tongmani jora oh no Pakistan bai Kargil war wngkha. Aboni yagulo hakotor oh hai no hai loksobha chongmari wngu. Sak baithangni bodol no kwbangma seat manwi NDA haphang swnamkha borok. Aboni logi BJP ni twidulmung bai hai no hai montri bokhorok wngkha Atal Bihari Bajpayee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
