Bharat hakotor yogsamani phil sini chi char bisi pungsama salno kitingwi hakotor ni logi haste ni dalbidal thai oh bana tisajakha. Asalni phungo aulini Gandhighat oh bharat hakotor ni bana tisakha haste ni Govornor Indrasena Reddy Nallu. Asalni panda oh bono karwi bo manjakha haste ni chwngphereng tangbedekni montri Ratan Lal Nath, Agartala municipal corporation ni corporator Tushar Kanti Bhattacharya no khobui kubuni adongrok. Bana tisamani yagulo Gandhighat oh Mahatma Gandhi tei hakotor ni kubuni sengkrak rokni sahid bedi oh khomriwi borom yapharkha haste ni Governor Indrasena Reddy Nallu, montri Ratan Lal Nath no khobui kubuni adongrok. Asalni panda paimani yagulo koktwma thumnai rokni bwskango Governor sakha, British rokno kebengwi choba khwlaiwi no hakotor no yogsariwi mankha hakotor ni phan gwnang sajwla sng. Aboni yagulo bo teibu sakha, hoda oh omar kasukya jora kaimani tei phekjaknai manwi no khobui tei kaisa koisu jwngjal nukjagwi tongo. Aboni logi chini habar pollution wngwi tongo, abohai joto jwngjal ni yag kakna nangnai sakha bo. Bharat hakotor yogsamano kitingwi dalbidal bodol ni sipai rok tei kwbangma organization ni supporters rokbo Gandhighat oh phaiwi Mahatma Gandhi mangthong tei kubuni sengkrak rokni bedi oh khom riwi borom rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
