Kiasa phan gwnang Tripura swnam nani bagwi samwng khwlai tongkha haste hapang,sangrong salo assam rifle ni thung khola o songsa jak mani 78 bisi Independence Day ni panda o phawi abo haikhe no khuk kengkha montriokra Dr.Manik saha. Manborom ni bising twi hakotor gwnagui no sangrong salo 78 bisi Independence Day palai jak kha, haste o bodal bidal panda ni bising twi 78 bisi Independence Day palai jak kha, joto ni swlai kotor panda sangrong salo haste o songsa jak kha rajakho aguli ni assam rifle thung khola o. ah panda o national flag tisa kha haste ni montri okra Dr.Manik saha, abo ni ulo seng kwrak bodol ni Parade berai nai kha montri okra,ah panda o kok narugna phuru montri okra hakotor ni bagwi langma rwnai rok no mwitu khwlawi borom rwoi saklai kha, haste hapang kwrak naikol mwng Tripura swnam nani bagwi samwng khwlai tong kha,abo ni bagwi no nahar jak Tripura,joto phasing twi naharwi no Tripura ni mwng bobo hai khe kwchug o karwi man nai abo ni phasing samwng khwlai tong kha haste hapang sakha montri okra. montri okra teibo sakha, haste o tabuk 92% kami no 4G internet ni sep rwoi tong kha,tabuk simi kaisa no naikol mwng sikla hoda no bobo hai khe sep rwoi man nai. ah salni panda o student corps cadets, officers teo forest department ni samwng khwlainai rok no sokat rwkha montri okra,.ah salo assam rrifle ni thung khola o songsa jak mani panda o haste hapang ni kwbangma montri,MLA, pradesh BJP ni achugphang,hastetang bedek ni dal bidal tang bedek ni samwng khwlainai rok phawi manjak phai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
