Bangladesh o kokthum thumnai ni sakha choprob mani pati mwng no twi kotor kuk khe kebeng mwng khwlaikha haste ni kokthum thumnai ni kai chi motha. swrang salo agartala press club ni bwskang o kebeng mwng khwlai mani nuk jak kha kai chi motha no. Political swlai jak mani ulni simi gana ni hakotor bangladesh ni habar belai khe no tungphulaijak. dal bidal thai o tabuk phano choprob lai tongkha. abo hai pati mwng o kokthum thumnai rok koktwma thumna bagwi thangwi choprob jak tongkha bangladesh ni dal bidal koktwma tang bedek ni kokthum thumnai rok.tabuk phano chopob jak mani pati mwng o khorok ba kokthum thumnai ni langma chokha. sago dukhu mankha 100 jona ni sebo kwbang kokthum thumnai. abo hai kokthum thumnai rok no choprob tong mani o kotor kuk khe naslemwng phunuk kha haste ni kokthum thumnai rok ni kai chi motha, swrang salo agartala press club ni bwskang o kai chi motha ni kokthum thumnai rok black badge kanwi kebeng mwng khwlai kha, pati mwng no twi haste ni mwng gwnang kokthum thumnai Alok ghosh sakha, bangladesh ni kokthum thumnai rok no choprob mani pati mwng abo rok gosiwi manya,pati mwng no kebeng mwng phunugwi jolilai mwng phunuk kha kokthum thumnai rok. abo hai pati mwng no mwthag nani bagwi sep nahar nani bagwi bangladesh administration ni thani sanmwng khwlai kha.ah kebeng mwng ni samwng bwtang o haste ni kokthum thumnai ni kai chi motha ni ojama song phawi manjak phai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
