Agartala Salka thana ni police thanai nwi chi bwrwi jora ni bisingo aulini dalbidal thai oh rutugwi khorok char phekjaknai manwi ni bania khwlainai rokno romkha. Aroni bisingo aulini Chandrapur ISBT bus stand oh 14 KG sidi kwran no khobui khorok ba phekjaknai manwi ni bania khwlainai rokno romkha police. Romjaknai rokni bisingo khoroktham wngkha bwrui rok. Borok jotoni nog Bihar haste ni Bishal hangkhor oh hinwi saimankha. Abono karwi bo thanai nwi chi bwrwi jora oh NDPS mamla oh gwdaljak khoroktham phekjaknai manwi ni bania khwlainai rokno bo romkha police. Aroni bisingo Rahul Hrishi Das tei Jhuman Mia no sungwi khungsa tomtom khokjakmano rutugwi tikhalaikha police. Aboni logi aulini Jagharimura ni NDPS mamla oh gwdaljak Swapan Mia no bo romwi mankha police. Asalo Sadar hangkhor ni police officer Debaprasad Roy oh kokno swbai sukurwbwi sawi khwna rikha. Aboni logi bo teibu sakha, Salka thana ni OC Rana Chatterjee ni twidulmung bai naichermung chengsajakha. Khursathai kwlai oh thanai koktisalo Salka Thanani police 1 lakh rangni brown sugar ni logi khorok char phekjaknai manwi ni bania khwlainai rokno romkha. Borokni yagu khungtham bike tei kaisa riksha mankha. Borok joto no khobui thanai 72 hours ni bisingo Salka thana ni police bebagwi khorok chi dok phekjaknai manwi ni bania khwlainai rokno romkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
