Baniani bwkhakgo hasteni rwng swrwngnai rogno kha thangsarina bagwi tei hakotorni economi ni bwkhakgo hojak khwlaina bagwi kwrak salo tripura university oh kaisa seminar songsajak kha. aro manjak phaikha hakotorni mung gwnang economist R Sunderam. kwrak salo tripura university oh techno india college of engineering agartala tei swadeshi jagaran manch ni luajimung bai kaisa seminer songsai rijak kha. ah salni seminer oh nogra okra wngwi manjak kha hakotorni mung gwnang economist R Sunderam. ah salo kok narwkna thangwi bo rwng swrwngnai tei swrwngnaijwk songno rwng swrwngni mungni logio bania ni bwkhakgo bo samung khwlaina bagwi koimung khwlaikha. bania ni kwbangma topic no twiwibo kok sakha bo. kok narwkmao bo sakha, mumbai city oh je sep rog tongo amoswk wngya phano amoni sei tei kisa sep phano agartala oh bo tongna nango. bo sakha, coivd ni jorao hakotor ni economi bahai wngkha amo nukgwino mankha. hasteni sikla sikli rogni bania ni sep ni bagwi hasteni wa ni manwi rog kaisa kotor yakumu wngwi mano hinwi sakha R Sunderam. tamoni hinkhr hakotor tei phatar hakotor gwnangwino wa ni manwi rogni demand kahamno. yagulo koktwma thumnai rogbai kok samani jorao R sunderam sakha , agartala oh omo hai seminer oh phaiwi rwng swrwngnai rogbai kok ma sama bagwi belaino kha tongthokjak kha. ah salni seminer oh tripura university ni professer Ganga prasad prasain tei university ni kwbangma bedekni rwng swrwngnai rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
