Bharatiya janata party Teliamura mandal ni luajimung bai tiranga rally songsai jak kha kwrak salo. ah salni rally o phawi manjak phai kha Tripura bidhan sabha ni okra naikolnai eba Teliamura bidhan sabha kendra ni MLA jwk Kalyani saha roy. Kwrak salo bharatiya janata party Teliamura mandal ni luajimung bai Har ghar Tiranga samwng bwtang no kitingwi Teliamura aguli o Tiranga bike rally khwlai kha kitor khe. ah bike rally o bharatiya janata party Teliamura mandal haba nok bwskang ni simi ongkhorwi Teliamura aguli ni dal bidal lama berai lai kha.ah salo Tiranga rally o phawi manjak phai kha Tripura bidhan sabha ni okra naikolnai eba Teliamura bidhan sabha kendra ni MLA jwk Kalyani saha roy. MLA jwk no karwi bo ah rally o phawi manjak phai kha bharatiya janata party ni Teliamura mandal ni khorok nwi tangphang Nandan roy tei Gopal barman,Teliamura mandal ni office tangphang Suman ghosh,Teliamura mandal ni naikolnai Projesh sarkar ni logi mandal ni samwng khwlainai tei naikolnai rok. ah salni tiranga rally o phawi MLA jwk Kalyani saha roy sakha, chini hakotor o montri bokhorok Narendra modi ni naikol mwng o taklai bisi o bo Independence Day ni swkang 13 august ni simi 15 august jora har gha tiranga ter palai nani nai tong kha. sahid ung nai rok no mwitu khwlawi chung ah salo borom rwoh. tei ah samwng bwtang no kitingwi haste ni monti okra Dr.Manik saha koimwng khwlaikha haste ni joto loku rok tei joto MLA song no har ghar tiranga samwng bwtang o phawi manjak nani bagwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
