Tang salo haste ni panchayat chongmari ni result saklai rwjakha,ah salo result saklai mani ulni simi no naikolnai bodol ni batainai rok no twi tongthoklai kha haste bidhan sabha ni okra naikolnai eba Teliamura bidhan sabha kendra ni MLA jwk Kalyani saha roy tei krishnapur bidhan sabha kendra ni MLA eba montri Bikash debbarma. Tangsalni phung dam charni simi hasteni kubuni block hai kheno old agartala block oh bo panchayat chongmarini vote lekhajak kha. old agartala block oh salthang tripura hangkhor porisad ni 10 , 11 , tei 12 no achukthaio vote lekhajakna chengkha. vote lekhajakmani puilani simino congress tei CPIM ni batainai rogno ulkolokgo khibioi kaham wngkhari wngwi tongkha BJP bodolni batainai. vote lekhajakmani paithakgo 10 no achukthaini simi batainai BJP ni candidate Kamna sarkar 5 thousand 427 vote manwi kwplai wngkha. ah achukthaini simi CPIM ni wngwi batainai mankha 526 vote tei congress ni wngwi batainai mankha 347 vote simino. ah salo 10 no achukthaio BJP ni wngwi batainai Kamna Sarkar sakha , bodolni samung khwlainai rog bono kaham khe chubachu rimani bagwino kwplai wngwi mankha hinwi. bini ganao bachakha amchai MLA Ratan Chakrabarty bo. amchaini hamkwraini bagwi sak tharwi samung khwlainai hinwi sakha kwplai wngnai candidate. salthang tripura hangkhorni 11 no achukthaio bebagwi 8 thousad ni sei bo kwbang vote manwi BJP ni batainai Krishna Jeet Das kwplai wngkha. ah achukthaini simi CPIM ni wngwi batainai mankha 568 vote tei congress ni wngwi batainai mankha 348 vote . kwplai wngnai krihsna jeet das sakha , amchaini tei lukurogni hamkwraini bagwi bo sak tharwi samung khwlainai hinwi. tei kaisa 12 no achukthaibo kwplai wngkha BJP ni wngwi batainai Biswajit Shil . kwplai wngnai rogno kha kaham yaphar kha amchaini MLA Ratan Chakrabarty. wngkhari saklaijakmani yagulo BJP ni candidate rogno logi twiwi bijoy misil khwlaikha bodolni tangkrak rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
