Sal kisa swkangno bharat hakotor ni president haste ni sajwla eba kwcham yakchu montri okra Jishnu Debbarman no Telangana ni Governor hinwi chongwi rikha. Telangana ni Governor chongjakmani yagulo haste oh puila kiphilkha Jishnu Debbarman. Chasalo Mandwi ni Kharang community hall oh haste haphang ni bwkhak twi borom rijakha. Asalni panda oh manjakha haste ni montri okra Dr.Manik Saha, chief secretary JK Sinha, Bidhansabha ni deputi speaker Ram Prasad Pual, Montri Pranajit Singha Roy, montri Santana Chakma, Sushanta Chowdhury, Animesh Debbarma, Sukla Charan Noatia, montri Bikash Debbarma, haste bidhansabha ni hujakphang Kalyani Roy, Tiprasa hamkrai tangbedekni secretary Brijesh Pandey no khobui kubuni adongrok. Asalni panda oh kok narukna thangwi montri okra Dr.Manik Saha sakha, Haste ni haa ni sajwla Jishnu Debbarma khorok sa thwngrwng habar ni ojama, swikwrwng, artist hinwi bo sinijagwi tongo. Haste ni tiprasa dopha ni lukorog no khobui joto bosongni hamkrai ni bagwi bini wansukmung tei samung khwlaimung lukorog no thinango lama phunugnai. Abohai khorok sa borom gwnang borokno kaisa haste ni Governor chongjakmani bagwi Tripura haste ni bagwi belai no borom ni kok hinwi sakha montri okra. Asalni panda oh kok narukna thangwi haste ni kwcham yakchu montri okra eba Telangana ni Governor Jishnu Debbarman sakha, Agartala city no yakarwi Mandwi hai kaisa thai oh abohai panda khwlaimani bagwi haste haphang ni hambai yapharkha bo. Aboni kaisa no meaning phai oh je, haphang kami amchai no bwskango tonio. Aboni yagulo bo teibu sakha, Telangana oh bo sixth schedule amchai tongo, ah amchai no naikolnani bagwi bo haste ni montri okra bai kok salaikha bo. Aboni yagulo bo teibu sakha, kendra, Telangana tei sak baithangni haste Tripura ni bisingo halok kaham khwlainani bagwi chaitoknai hinwi sakha bo. Asalni panda oh kok narukkha montri Bikash Debbarma. Asalni panda oh montri no karwi bo manjakha Agartala municipal corporation ni mayor eba MLA Dipak Majumder no khobui ADC ni EM sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
