Bangladesh ni habar hamya wngmani bagwi tabok kwbangma jwngjal nukjakgwi tongkha hakotoro. bangladesh ni hindu rogni sakao satokmung khwlaijakgwi tongkha aro. amoni bagwi tabok khorang tisajak kha tripura hasteni Biswa hindu porisad ni bwkhaktwi. pha salo kokthum panda khwlaiwi bangladesh oh hindu rogni hamya halokno twiwi kok sakha Biswa hindu porisad ni ojama Shankar Roy. Sheikh hasina ni haphang baiwi kwlaimani yagulo bangladesh hakotoro hamya raida nukjakgwi tongkha. bangladesh oh tongnai hindu rogni tongthai nog rog phal nog rog swbaijakgwi tongkha. bwrwi rogni logio hamya samung wngwi tongkha . amoni bagwi tabok khorang tisa kha biswa hindu parisad. patimungno twiwi pha salo kaisa kokthum panda khwlai kha porisad. kokthum pandao biswa hindu porisad ni adong Shankar Roy sakha , bangladesh oh omo hai patimung wngma rogno naiselemung phunukgo borog. bo teibo sakha , bangladesh hakotoro hasina ni haphang baiwi kwlaimani yagulo ni simi no bangladesh oh tongnai bangthaya bosong eba minority lukurogni sakao satokmung khwlaiwi tongkha aro tongnai majority lukurog. hindu bosongni lukruogni sakao omo hai hamya samung wngmano narwkna bagwi haste haphang tei kendra haphangni bwkhakgo koimung khwlaikha hasteni biswa hindu porisad ni ojama . kokthum pandao biswa hindu porisad ni bwkhaktwi kaisa press release ni bwkhaktwi saklaijak kha , bangladesh ni Panchaghar hangkhoro tabok swk joratwi hindu rogni khong nwi chisa nog , Jhinedahut oh khong nwi chi tei jhosaroh hinkhe khong nwi chinwi phal nog swbaijak kha. hindu rogni simalwung rogbo swbaiwi rijakbai kha hinwi kotwmao saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
