Haste ni dal bidal bwkhaste ni kahai sangrong sal ni phung ni simi khowai bwkhaste o panchayat vote chengwi rwjakha, tong kwchang habar ni bising twi no vote choli tong kha, vote no kitingwi voter rok ni bising o tong thoklai mani nuk jak kha. Sangrong o haste o panchayat chongmari, ah salni phung ni joto panchayat block tei block bai khobjak joto vote kendra o vote chengwi rwjak kha, abo ni logi khowai hangkor o bo ah salni phung ni dam sni ni simi chengwi rwjakha vote. panchayat vote no kitingwi dal bidal vote kendra o voter rok ter ni hai khe no vote rwmani nuk jakha. ah salo khowai ni kaisa vote kendra o voterwkha 87 bisi ni khorok sa voter,kokthum thum nai ni bwskang o 87 bisi ni voter saklai kha, kwdukma bisi romwi no panchayat vote rwoi phai tong kha, taklai bisi o bo vote rwkha hwnui sakha. ah salo khowai hangor ni panchayat chongmari o habar rok o twi kokthum thumnai ni bwskang o BJP khowai hangkor ni tangphang Samir kumar das saklai kha, tong kwchang habar ni bisinh twi ni joto panchayat amchai rogo vote ungwi tong kha, joto loku rok no vote rwoi tong kha kaham khe no, administration ni bwkhak twi kaham khe no sep rwjak tong o.bo teibo saklai kha, chongmari o BJP ni kwplai ung nai, simi vote lekhamwng ni salo teibo kaham khe nugwi man nai haste ni loku rok. sathai kwlai o, khowai hangkor o kami panchayat, panchayat samiti teihangkor parisad ni dal bidal kendra o BJP,CPIM, Congress,Tipra Motha bodol ni batainai tong o.
