Swrang sal 7 August salmario hakotor gwnangwino national handloom day palaijak kha. amoni bagwi ah salno kitingwino hasteni purbasha no beraiwi naikha montri okra Dr.Manik saha. ah salo handloom ni manwi rogni nangkukma rogno sai khwna rikha montri okra. Yak bai takjak mani richum rog bharat hatokorni siri siti rwkjakni kaisa sinimung. hakotorni ajimungni thanio kaisa nangkukmani yakumu. bwrwi rogno ajimungni lama rina bagwi tat eba yakni swnamjak richum swnam mani samung rog belaino chubachu rio. tamoni hinkhe oh samung bai gwdaljak 70 % no wngkha bwrwi rog. amoni bagwi 2015 bisini 7 august oh bharat hakotoro oh salno Tat divas hinwi palaina bagwi gosimung rikha hakotorni montri bokhorok Narendra Modi. tamoni hinkhe 1905 bisini oh salo no hakotoro swadeshi andolan chengsajakmani. ah chuba ni kotor naisikmung wngmani bharat hakotoro swnamjak manwi rogni kaham khe sini mung rinani. ah salno muito tonina bagwino 7 august salmarino bharat hakotoro tabok tat divas hinwi palaijakgwi tongo. yakbai swnamjak richu rogni bagwi lukurogni bisingo kha thangsama tubuna bagwino tabok bharat haphang kha rioi chaitukgwi tongo. borom tei sini mung rimani bwkhaktwi siminoy ajimungni bwkhaktwibo tabok tat ni manwi rogno kwrak khwlaina bagwi chaitukgwi tongo bharat haphang. swrang salo national handloom day eba tat divas no kitingwino hasteni purbasa thangwi beraiwi naikha montri okra Dr.manik saha. ah salo koktwma thumnai rogbai kok sana thangwi no oh ok rogno sai khwna rikha montri okra Dr.manik saha. ah salo kok sana thangwi bangladesh hakotorni baithangni jorani halok rogno twiwibo kok sakha montri okta Dr.Manik saha. ah salo tat ni manwi bai swnamjak kwbangma stall rogno beraiwi naikha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
